საუდის არაბეთიდან წასვლის შემდეგ, საბა კვერკველია უკლუბოდაა და რამდენიმე კვირის განმავლობაში, ბოლნისის სიონთან ერთად ვარჯიშობდა.
LaGazzetta.ge-ს ინფორმაციით, კვერკველია მინიმუმ სეზონის ბოლომდე, საქართველოს ჩემპიონატში, დინამო თბილისში ითამაშებს, კლუბი ოფიციალურ ინფორმაციას უახლოეს მომავალში გაავრცელებს.
მოგეხსენებათ, კვერკველიას ეროვნულ ლიგაში თამაშის გამოცდილება უკვე აქვს, როცა ის გაგრას რიგებში გამოდიოდა.
32 წლის ცენტრალურ მცველს ეროვნულ ნაკრებში 59 შეხვედრა აქვს ჩატარებული. ვილი სანიოლმა სექტემბრის სანაკრებო მატჩებისთვის ის არ გამოიძახა.
ჩვენივე ინფორმაციით, დინამო თბილისი საქართველოს ნაკრების კიდევ ერთ ფეხბურთელთან აწარმოებს მოლაპარაკებებს.
Exclusive: საბა კვერკველია საქართველოს ჩემპიონატში ითამაშებს
