დღეს, მონტენეგროს დედაქალაქ პოდგორიცაში ევროპის ჩემპიონატი იწყება ძიუდოში. ქართველთაგან ტატამიზე შეჯიბრის პირველ დღეს 4 ქართველი გავა.
ქალთა შორის ჯულიეტა როდონაია (-48 კგ.) იასპარეზებს. ქართველი პირველ წრეში ძიუდოს საერთაშორისო ფედერაციის (IJF) სახელით გამომსვლელ მარინა ვორობიოვას დაუპირისპირდება.
მამაკაცთა შეჯიბრში საქართველოდან 3 ძიუდოისტი იბრძოლებს მედლისთვის.
-60 კგ. წონით კატეგორიაში მსოფლიოს მოქმედი ჩემპიონი გიორგი სარდალაშვილი მეორე წრიდან ჩაერთვება ასპარეზობაში, ქართველი უნგრელ მარტონ ანდრასისა და ბულგარელ ივან სიმეონოვს შორის გამარჯვებულს დაუპირისპირდება.
ევროპის მოქმედი ჩემპიონი ვაჟა მარგველაშვილი (-66 კგ.) გერმანელ მარტინ სეტცთან გამართავს პირველ შეხვედრას. ამავე წონაში თემურ ნოზაძე (-66) უკრაინელ ნაზარ ვისკოვს დაუპირისპირდება.
ევროპის ჩემპიონატი თბილის დროით, 12:30 საათზე დაიწყება.
ფოტო: საქართველოს ძიუდოს ფედერაცია
