ევრო 2024-ის დასრულების შემდეგ, მბაპე მადრიდში გაეშურება და თავის ახალ კლუბს, მადრიდის რეალს შეუერთდება, თუმცა არის რამდენიმე დეტალი, რომლის მოგვარებაც მას მოუწევს.
პირველ რიგში, ანჩელოტის მოთხოვნაა, რომ მბაპემ ცხვირზე გამოკვლევები ჩაიტაროს და დარწმუნდეს, რომ ნამდვილად ყველაფერი წესრიგში აქვს. შეგახსენებთ, რომ ევროპის ჩემპიონატის მიმდინარეობისას, კილიანმა ცხვირზე დაზიანება მიიღო და დამცავი ნიღბით თამაშობდა.
სამეფო კლუბის მიზანია, რომ მათი ახალწვეული პირველივე ოფიციალურ შეხვედრაში მზადყოფნაში იყოს. 14 აგვისტოს, სუპერთასის ფინალში რეალი ატალანტას დაუპირისპირდება.
წინასწარი ინფორმაციით, მბაპე მადრიდში მომდევნო კვირის დასაწყისში ჩაფრინდება და სამედიცინო შემოწმებას გაივლის.
