მაქს ჰოლოუეის დამარცხებისა და საჩემპიონო ქამრის დაცვის შემდეგ, ილია თოფურიამ ბრძოლისშემდგომი პრესკონფერენცია ჩაატარა, რომელზეც არაერთ საინტერესო საკითხზე ისაუბრა:
ალექსი იყო დიდებული ჩემპიონი და ის ლეგენდაა - მან ნამდვილად დაიმსახურა ბრძოლა, თუმცა ამ ეტაპზე მცირე პაუზის აღებას ვაპირებ. შესაძლოა, ვინმე სხვას ვეჩხუბო, ჯერ არაფერი ვიცი. ყოველთვის მზად ვიქნები, ორგანიზაციამ უბრალოდ უნდა მითხრას, როდის, სად და რომელ მეტოქესთან, შემდეგ ჩემს საქმეს გავაკეთებ.
27 წლის ვარ, არსად მეჩქარება, ნაბიჯ-ნაბიჯ მივყვები ყველაფერს. რამოსთან ერთად ზეიმი? - ზეიმი არ დასრულებულა და პრესკონფერენციის შემდეგაც გაგრძელდება. ეს იქნება იმაზე უფრო შთამბეჭდავი, ვიდრე ოქტაგონში იყო. სამწუხაროა, რომ რეალმა 0:4 წააგო, მაგრამ ნებისმიერ შემთხვევაში ჰალა მადრიდ!
მინდა მადლობა გადავუხადო ყველა იმ ადამიანს, რომელმაც დრო დამითმო და ჩემს სანახავად ჩამოვიდა. ეს გამარჯვება არა მხოლოდ მე, არამედ მთლიან საქართველოს ეკუთვნის. იმედი მაქვს, რომ ამ მაგალითს ბევრი ბავშვი გამოიყენებს: არ აქვს მნიშვნელობა საიდან მოდიხარ, მთავარია იცოდე, თუ საითკენ მიდიხარ, გაუმარჯოს საქართველოს!
მახაჩევთან ბრძოლა? - მე ვიქნები პირველი, ვინც მას საბმიშენს გაუკეთებს. რაც შეეხება ალექსანდრეს დებიუტს, არ მგონია, რომ იანვარს გადაცდეს, დეკემბერი - იანვარი. მომზადებული არის, შეუძლია ხვალვე იჩხუბოს, ძალიან მაგარ ფორმაშია და მალე ვიხილავთ", - განაცხადა ქართველმა ჩემპიონმა.
