პარიზულ მატჩში ხვიჩა კვარაცხელიამ ბრწყინვალე მატჩი ჩაატარა, თავის გუნდში გამორჩეული იყო და გოლიც გაიტანა, თუმცა თამაშგარის გამო არ ჩაუთვალეს.
ამჯერად, კვარა თავის გამოჩენას ენფილზე შეეცდება. ისტორიაში მხოლოდ ერთი ქართველი ფეხბურთელია, ვისაც ამ ისტორიულ სტადიონზე გოლი აქვს გატანილი.
1979 წელს, ჩემპიონთა ლიგის პირველი ეტაპის პირველ შეხვედრაში ლივერპული შინ დინამო თბილისს დაუპირისპირდა და 2:1 გაიმარჯვა. 33-ე წუთზე დინამოელთა მხრიდან გოლი ალექსანდრე ჩივაძემ გაიტანა. ლივერპულის მხრიდან თავი ჯიმი კეისმა და ჯონსონმა გამოიჩინეს.
აღსანიშნავია, რომ ამ გუნდების განმეორებითი დაპირისპირება 2 კვირაში, დინამო არენაზე შედგა და დინამო თბილისის გამარჯვებით 3:0 დასრულდა.
დღეს, ხვიჩა კვარაცხელიას შანსი აქვს გახდეს ჩივაძის შემდეგ პირველი ქართველი, ვინც გოლს ენფილდზე გაიტანს.
