ანგარიში მასპინძლებმა გახსნეს. თორნიკე ახვლედიანმა მეტოქის ნახევარზე ფორვარდივით იმოქმედა, მეტოქის მცველის შეცდომით ისარგებლა, მეკარე მოატყუა და ზუსტი დარტყმით ანგარიში გახსნა.
თუმცა მალევე კოლხეთის ერთ-ერთმა ლიდერმა, აბუაშვილმა წონასწორობა ულამაზესი შორეული დარტყმით აღადგინა და საბოლოო ანგარიში დააფიქსირა 1:1.
დღის გამორჩეული შეხვედრა ქუთაისში შედგა. ზედიზედ ნათამაშები 5 ფრის შემდეგ, ტორპედომ მოუგებელი სერია ერთ-ერთ ფავორიტთან, დინამო ბათუმთან დაასრულა და მატჩი ელტონ ჟუნიორის ერთადერთი გოლით მოიგო - 1:0.
აღსანიშნავია, რომ იმერლებს შიდა ჩემპიონატში უკვე ზედიზედ 9 მატჩია არ წაუგიათ. ბოლო გუნდი, რომელმაც ტორპედოს მოუგო, სწორედ ბათუმია.
