კონფერენს ლიგის საკვალიფიკაციო ეტაპის პირველი რაუნდის ფარგლებში თბილისის დინამო მონტენეგროში ესტუმრა მორნარს, რომელთანაც 2:1 დამარცხდა.
აღსანიშნავია, რომ ქართულმა გუნდმა ორივე გოლი 20-22 წუთების შუალედში გაუშვა.
შეხვედრის 84-ე წუთისთვის მასპინძლები დარჩნენ 10 კაცით, დინამომ კი რიცხვობრივი უპირატესობა გამოიყენა და 94-ე წუთზე ერთი ბურთი გაიტანა.
გოლის ავტორი ნიკოლოზ უგრეხელიძე გამოდგა.
განმეორებითი შეხვედრა თბილისურ გუნდსა და მორნარს შორის 18 ივლისს გაიმართება.
