საქართველოს თასის 1/4 ფინალში საინტერესო მატჩი გაიმართა დინამო თბილისსა და დინამო ბათუმს შორის, რომელიც მასპინძელთა გამარჯვებით 1:0 დასრულდა.
მოგეხსენებათ, დავით ყიფიანის სახელობის თასზე ერთმატჩიანი თამაშებია. შესაბამისად, დინამომ ნახევარფინალის საგზური მოიპოვა.
პირველი უგოლო ტაიმის შემდეგ, დინამოელებმა ანგარიში 52-ე წუთზე გახსნეს. თავი დავით გოცირიძემ გამოიჩინა და თავისი გუნდი შემდეგ ეტაპზე გაიყვანა.
დინამო თბილისის გარდა, ნახევარფინალში კოლხეთი და სპაერი არიან. ბოლო ნახევარფინალისტის ვინაობა დინამო 2-სა და გაგრას შორის გაირკვევა.