ახალგაზრდული ჩემპიონთა ლიგის ფლეი-ოფში ერთმანეთს აეკ ლარნაკა და დინამო თბილისი დაუპირისპირდნენ.
ამ გუნდების პირველი მატჩი კვიპროსში შედგა და დინამოელთა გამარჯვებით 4:3 დასრულდა.
განმეორებით მატჩში დინამო არენაზე შეკრებილმა გულშემატკივარმა სანახაობრივი მატჩი იხილა.
დინამო თბილისს უამრავი მომენტი ჰქონდა, თუმცა აეკის მეკარე მოწოდების სიმაღლეზე იყო. საბოლოოდ, დინამომ ორი ბურთი გაიტანა და 2:0 გაიმარჯვა. თავი დოლტმურზიევმა და დანელიამ გამოიჩინეს.
ჩემპიონთა ლიგის მესამე საკვალიფიკაციო ეტაპზე დინამო თბილისის მეტოქე დინამო მინსკი იქნება.
