მამარდაშვილის გარდა, იაშინის ჯილდოზე კიდევ 9 მეკარეა ნომინირებული: დიოგუ კოშტა, ჯანლუიჯი დონარუმა, გრეგორ კობელი, ანდრეი ლუნინი, მაიკ მენიო, ემილიანო მარტინესი, უნაი სიმონი, იან ზომერი და რონვენ უილიამსი.
ცნობილია ასევე 2024 წლის ოქროს ბურთის 30 მთავარი ნომინანტიც. სიას სამეული ლიდერობს, კერძოდ ვინისიუს ჟუნიორი, ჯუდ ბელინგემი და როდრი. ფავორიტი ამ სამეულსაც ჰყავს — ყველა დიდი გამოცემის თუ ჟურნალისტის აზრით, 2024 წლის ოქროს ბურთის ფავორიტი ვინისიუსია და თუ რაიმე განსაკუთრებული არ მოხდა, ბრაზილიელი ამ ჯილდოს დღეს მიიღებს.
ოქროს ბურთის დაჯილდოების ცერემონია დღეს, თბილისის დროით 23:00 საათზე დაიწყება.
იხილეთ ჩვენი პოდკასტის მორიგი ეპიზოდი
