იტალიის ჩემპიონატის ცენტრალურ მატჩში ნაპოლიმ იუვენტუსი ანგარიშით 2:1 დაამარცხა და ლიდერობა კიდევ უფრო გაიმყარა.
"მას და მის ოჯახს საუკეთესოს ვუსურვებ... მან არჩევანი გააკეთა, რასაც პატივს ვცემ. რა თქმა უნდა, მეწყინა, როდესაც გავიგე, რომ მისი აგენტები პსჟ-სთან მოლაპარაკებას დიდი ხნის განმავლობაში აწარმოებდნენ. მართალი გითხრათ, არ მესიამოვნა ამის მოსმენა, მაგრამ ჩვენ მას საუკეთესოს ვუსურვებთ", - განაცხადა ანტონიო კონტემ მატჩის შემდეგ.
პარალელურად, საფრანგეთის ჩემპიონატში კვარაცხელიას დებიუტი შედგა. პსჟ შინ რეიმსს დაუპირისპირდა და ფრედ 1:1 ითამაშა. კვარამ საგოლე გადაცემა გააკეთა.
ამ ფაქტს იტალიელი გულშემატკივრები გამოეხმაურნენ და რამდენიმე საინტერესო კომენტარი დაწერეს:
"ჩვენ იუვე დავამარცხეთ, კვარამ კი ახალ გუნდში რეიმსს ვერ მოუგო"
"როგორც ჩანს, ნაპოლის მოგებები კვარაცხელიას გარეშეც შეუძლია"
"ხომ არ ნანობს კვარაცხელია ამ გადაწყვეტილებას?"
"ნაპოლიმ იუვენტუსთან საოცარი ფეხბურთი ითამაშა, ბრწყინვალე შეტევით"
არის შანსი, კვარაცხელიამ ერთ სეზონში ორი მედალი მოიგოს, იმ შემთხვევაში, თუ ნაპოლი იტალიის, პსჟ კი საფრანგეთის ჩემპიონი გახდება. კლუბების შედეგების გათვალისწინებით, ეს დღითიდღე უფრო რეალური ხდება.
