ჩოგბურთის მოყვარულები ლოპოტა სპა რეზორტში ტრადიციულ ყოველწლიურ სამოყვარულო ტურნირში ჩაერთნენ. ლოპოტას კორტები 10-13 ოქტომბერს LOPOTA CUP 2024-ს მასპინძლობს.
შეჯიბრი წელს იმართება გაზრდილი საპრიზო ფონდით, რომელიც 35 000 ლარს შეადგენს.
ტურნირი როგორც ერთეულთა, ასევე, წყვილთა თანრიგში, ქალთა და მამაკაცთა შორის ტარდება. თამაშები ოლიმპიური სისტემით, - 2 სრული სეტი და სუპერ ტაიბრეიკი იმართება.
შეჯიბრი ლოპოტას დამფუძნებლის, გოგა მაისურაძის ინიციატივით წლების წინ დაარსდა. გარკვეული პაუზის შემდეგ, 2022 წელს ლოპოტამ ტურნირს ახალ, პროფესიონალურ დონეზე მოწყობილ ჩოგბურთის კორტებზე უმასპინძლა.
