პსჟ-ს მთავარმა მწვრთნელმა ლუის ენრიკემ ამავე გუნდის ქართველი შემტევი ხვიჩა კვარაცხელია კიდევ ერთხელ შეაქო.
"კვარაცხელია ვარჯიშიდან ვარჯიშამდე უმატებს, ადაპტაციას სწრაფად გადის და ამის გამო, ჩემგან დიდი პატივისცემა მას.
ხვიჩა კარგი ფეხბურთელია, ჭკვიანია და სწორედ ამის დამსახურებაა, რომ მისი ადაპტაციის პროცესი კარგად მიდის", - განაცხადა ენრიკემ.
მოგეხსენებათ, კვარა და პსჟ ლიგა 1-ის შემდეგი ტურის მატჩს ლილის წინააღმდეგ ჩაატარებენ.
