წარმატებით დაიწყეს ასპარეზობა ქართველმა მოჭადრაკეებმა ბათუმში მიმდინარე FIDE-ს ქალთა მსოფლიო თასზე. პირველ ტურში სამივე ქართველმა მონაწილემ გამარჯვებით დაასრულა პარტია. პირველი გამარჯვება კესარია მგელაძე ვიეტნამელ პამ ლეო შაოსთან შეხვედრაში იზეიმა, კესარიამ შავი ფიგურებით ითამაშა არაკლასიკური ინდური პარტია. დებიუტში მიღებული ორი კუს უპირატესობა სტაბილურად განავითარა, და მძიმე ფიგურების ენდშპილში მოგებით დაასრულა პარტია.
მეორე გამარჯვება ანასტასია კირთაძემ მოიპოვა, ანასტასიამ ასევე შავი ფიგურებით დაამარცხა ესპანეთის სახელით მოასპარეზე, ქართველი დიდოსტატი ანა მათნაძე-ბუჯიაშვილი.შეხვედრა დაიწყო კატალონიური პარტიით. თეთრების უზუსტობის შემდეგ კირთაძემ კარგად გამოიყენა გამსვლელი A პაიკით მიღებული უპირატესობა და პარტია გამარჯვებით დაასრულა.
ბელა ხოტენაშვილიბელამ თეთრი ფიგურებით იასპარეზა ანგოლელი ესპერანსა კაქსიტას წინააღმდეგ.ლაზიერის გამბიტში მან დებიუტშივე მოიპოვა პოზიციური უპირატესობა და ზუსტად მიიყვანა პარტია გამარჯვებამდე.
სამივე ქართველმა მოჭადრაკემ სტარტზე მნიშვნელოვანი ქულები მოიპოვა და პირველი წრის მეორე ტურში მტკიცე პოზიციით ითამაშებს.
