ბოლო წლებში, კროოსი რეალის ერთ-ერთი მთავარი საკვანძო ფეხბურთელი იყო, რომელსაც თამაშის განაწილება, ბურთის ამოტანა და "დირიჟორობა" ევალებოდა, რასაც თავი იდეალურად გაართვა.
კროოსის წასვლის შემდეგ, ანჩელოტის მთავარი საფიქრალი მისი შემცვლელის პოვნა იყო, ვინც კროოსისნაირ სამუშაოს იდენტურად შეასრულებდა.
იტალიელი სპეციალისტის გადაწყვეტილებით, ახალი სეზონიდან კროოსის ფუნქციებს ფედე ვალვერდე შეითავსებს, რომელიც აქამდე სულ სხვა სტილით გვევლინებოდა.
ფიზიკურად ძლიერი, სწრაფი და დაუღალავი ვალვერდე რეალში 8 ნომრის ფუნქციებს მოირგებს, თან მაისურის ნომერი 8 აიღო და შეეცდება, კროოსის იდეალური შემცვლელი იყოს.
ვალვერდე რეალში 2017 წლიდან ირიცხება, ამ პერიოდში მან გუნდთან ერთად 2 ჩემპიონთა ლიგა მოიგო.
