ჩემპიონთა ლიგის საკვალიფიკაციო ეტაპზე იბერია საკუთარ მოედანზე მალმიოს დაუპირისპირდა და 1:3 დამარცხდა.
მატჩის შემდეგ კომენტარი იბერიას მთავარმა მწვრთნელმა ლევან კორღალიძემ გააკეთა.
"წაგების შემდეგ საუბარი ყოველთვის რთულია. ვფიქრობ, მარცხს არ ვიმსახურებდით. პასუხისმგებლობას სრულად ჩემს თავზე ვიღებ და ბოდიშს ვუხდი გულშემატკივარს.
მსაჯობაზე ლაპარაკი არ მიყვარს, მაგრამ მაინც უნდა ვთქვა, რომ ძალიან ცუდი მსაჯობა იყო. გადამწყვეტ მომენტებში ყოველთვის სხვაგვარი გადაწყვეტილება მიიღო.
შევთანხმდეთ, რომ მალმიო ძალიან ძლიერი გუნდია, თუმცა სუსტი მხარეებიც აქვს და ეს დღესაც გამოჩნდა. შევეცდებით, რომ რაც საქართველოში დავაკელით, იქ ავანაზღაუროთ", - განაცხადა კორღალიძემ.
