მოგეხსენებათ, ინსინიემ ნაპოლი 2 წლის წინ დატოვა და გუნდმა მის ნაცვლად ხვიჩა კვარაცხელია მოიყვანა. ინსინიემ ნაპოლის ბოლო პერიოდის ყველა თაობა გამოიარა და საინტერესო ისტორიებს ყვება.
"ნაპოლიში თამაში ჩემი ახდენილი ოცნება იყო. უბედნიერესი ვიყავი, როცა ამ გუნდის მაისურით პირველი გოლი გავიტანე. ნეაპოლში ბევრი დასამახსოვრებელი წელი გავატარე. პირველი გოლი პარმას წინააღმდეგ გავიტანე. პასი პანდევმა მომცა და თამაშგარე იყო. კიდევ კარგი, მშინ ვიდეორეფერი არ არსებობდა.
ნაპოლიში იგუაინს გამოვარჩევდი, რომელთან ერთად თამაში საკმაოდ კომფორტული იყო. ყველაფერს მარტივად აკეთებდა, ფიზიკურად კარგად იყო მომზადებული და შესაბამისად, მასთან გონსალოსთან თამაში თანაგუნდელებისთვისაც მარტივი იყო.
ანჩელოტი? ის მართლაც საოცარი სპეციალისტი იყო. ბაზაზე 7 საათზე მოდიოდა და მუშაობას დილიდანვე იწყებდა. ხანდახან არის მომენტი, როცა ყველაფერი ისე არ მიდის, როგორც საჭიროა, თუმცა შედეგები გვანახებს, თუ რა დონის სპეციალისტია ანჩელოტი", - განაცხადა ინსინიემ.
