მატჩის დებიუტში, მე-17 წუთზე მსაჯმა მოედნიდან ელუსტონდო გააძევა და სტუმრები 10 კაცით დარჩნენ. ბარსელონამ კი ანგარიში 25-ე წუთზე გახსნა — თავი მარტინმა გამოიჩინა, რასაც 4 წუთში კასადოს გოლი მოჰყვა და კატალონიელებმა პირველი ტაიმი ორბურთიანი უპირატესობით მოიგეს.
შესვენების შემდეგ მატჩი კვლავ მასპინძლების უპირატესობით განახლდა და 56-ე წუთზე არაუხომ აიღო მეტოქის კარი. 61-ე წუთზე კი ლევანდოვსკიმაც გაიტანა გოლი და საბოლოო ანგარიში, 4-0 დააფიქსირა.
აღნიშნული გამარჯვების შემდეგ, ბარსელონას 57 ქულა აქვს და სატურნირო ცხრილს ერთპიროვნულად ლიდერობს, მეორე ადგილს 56 ქულით ატლეტიკო იკავებს, ხოლო მესამე პოზიციაზე 54 ქულით რეალია. მომდევნო ტურში ფლიკის გუნდი ოსასუნას უმასპინძლებს.
