ჰაასის პილოტმა, კევინ მაგნუსენმა ერთ კალენდარულ წელში 12 საჯარიმო ქულა დააგროვა, რის გამოც აზერბაიჯანის გრან პრის გამოტოვებს.
31 წლის დანიელ მრბოლელს აზერბაიჯანში ახალგაზრდა ოლივერ ბირმანი შეცვლის — აღნიშნული ინფორმაცია ჰაასმა ოფიციალურად დაადასტურა.
ოლივერ ბირმანი ფერარის მრბოლელების აკადემიის აღზრდილია და ფორმულა 1-ში მისი დებიუტი 2024 წლის საუდის არაბეთის გრან პრიზე შედგა, როდესაც კარლოს საინსი ჩაანაცვლა.
19 წლის ბრიტანელმა პილოტმა ჰაასთან კონტრაქტიც გააფორმა და 2025 წელს სამეფო რბოლების სრულფასოვანი წევრი გახდება. ამერიკულ გუნდში მისი თანაგუნდელი ესტებან ოკონი იქნება.
ფორმულა 1-ის წლევანდელი სეზონის რიგით მე-17 გრან პრი აზერბაიჯანში 15 სექტემბერს გაიმართება.
აზერბაიჯანის გრან პრიზე მაგნუსენს ბირმანი შეცვლის
