2026 წელს, ფორმულა 1-ში დიდი ცვლილებები იგეგმება — ახალ რეგლამენტთან ერთად, სამეფო რბოლებს ზაუბერი დაემშვიდობება და მის ადგილს აუდი დაიკავებს.
გერმანული ბრენდი აქტიურად მუშაობს ფორმულა 1-ის დებიუტისთვის და უკვე მოახერხა გამოცდილი თანამშრომლების გადმობირება. აუდის რედ ბულის მოქმედი ტექნიკური დირექტორი, ჯონათან უითლი და ფერარის ყოფილი ხელმძღვანელი, მატია ბინოტო შეუერთდებიან.
აუდი აქტიურად აგრძელებს მრბოლელების შერჩევასაც და ცდილობს, რაც შეიძლება გამოცდილი პილოტები დაიმატოს. სიაში კი მთავარ ადგილს 4-გზის მსოფლიო ჩემპიონი, სებასტიან ფეტელი იკავებს, რომელმაც კარიერა 2022 წელს დაასრულა და მას შემდეგ, არაერთმა გუნდმა სცადა მისი გადმობირება, თუმცა, უშედეგოდ.
სებასტიან ფეტელსა და აუდის შორის მოლაპარაკებები აქტიურად მიმდინარებს და აღნიშნულ ინფორმაციას არაერთი ინსაიდერული წყარო ადასტურებს. 37 წლის გერმანელი პილოტის თანაგუნდელად კი კარლოს საინსი განიხილება, რომელიც წლის ბოლოს ფერარის დატოვებს და 2025 წლის სეზონში უილიამსის ღირსებას დაიცავს.
აუდი მრბოლელებს აქტიურად ეძებს — მთავარი კანდიდატი ფეტელია
208646
