"პარის სენ-ჟერმენი კვარაცხელიასთვის კარგი ვარიანტია, რადგან ეს გუნდი ლიგა 1-ის ჩემპიონი დიდი ალბათობით კვლავ გახდება და ჩემპიონთა ლიგაზეც ითამაშებს. დიახ, ლიგის საგზურის მოპოვება შეუძლია ნაპოლისაც, მაგრამ ჩემი აზრით, ხვიჩასთვის ყველაზე კარგი ვარიანტი ამ ეტაპზე მანჩესტერში გადასვლა იქნება.
ჩვენ ხომ ვსაუბრობთ პრემიერ ლიგაზე და ისეთ დიდ გუნდზე, როგორიც იუნაიტედია. ამ გუნდს ქართველი გარემარბის მსგავსი ფეხბურთელი ძალიან სჭირდება, რადგან "წითელი ეშმაკების" მიზანი კრიზისიდან ამოსვლა არის. ამ გუნდში გადასვლის კიდევ ერთი მიზეზი? ოსიმენის ფაქტორი. როგორც ვიცით, "მანკუნიანელები" ვიქტორის ტრანსფერზე მუშაობენ.
ძალიან საინტერესო იქნება ოლდ ტრაფორდზე დიდი ხნის შეთამაშებული დუეტის ხილვა. როგორც ვხედავთ, არსებობს ბევრი მიზეზი იმისთვის, თუ რატომ უნდა გადავიდეს "პარტენოპეის" ვინგერი ამორიმის გუნდში", - განაცხადა ვეტერანმა ქართველმა ფორვარდმა.
