პრემიერ ლიგის მე-12 ტურის კიდევ ერთი მატჩი გაიმართა ლონდონში, სადაც ემირეითზე არსენალი ნოტინგემ ფორესტს დაუპირისპირდა. მიკელ არტეტას გუნდი ამ შეხვედრას 3-მატჩიანი მოუგებელი სერიით შეხვდა, შესაბამისად, "მეთოფეებს" გამარჯვება ძალიან სჭირდებოდათ.
90 წუთის განმავლობაში მაყურებელმა მასპინძელი გუნდის დომინანტური თამაში იხილა, რასაც ლოგიკური დასასრული ჰქონდა — არსენალმა მეტოქე საკმაოდ მარტივად, 3:0 დაამარცა და 22 ქულით, მე-4 პოზიციამდე აღზევდა. შეხვედრაში გოლების გატანა ბუკაიო საკამ, ტომას პარტეიმ და ითან ნვანერიმ მოახერხეს.
რაც შეეხება ნოტინგემ ფორესტს, ნუნო ეშპირიტუ სანტუშის გუნდი 19 ქულით, მე-6 პოზიციაზე დარჩა.
Premier League
არსენალის მარტივი გამარჯვება ნოტინგემ ფორესტთან
