საქმე რაპირით შეჯიბრის ფინალურ ბრძოლას ეხება, სადაც დებიუტანტი 22 წლის იტალიელი ფილიპო მაკი მოქმედ ოლიმპიურ ჩემპიონს, ჰონგკონგელ ჩეუნ კა ლონს შეხვდა.
ფინალური დაპირისპირება დრამატული გამოდგა — მაკი 14-11 იგებდა და ოლიმპიურ ჩემპიონობამდე 1 ქულა აკლდა, თუმცა, ლონმა ზედიზედ 3 ქულა მოუგო და ანგარიში გაათანაბრა.
ბოლო, გადამწყვეტი ქულა გაიწელა და მსაჯებმა ჩემპიონი ორჯერ ვერ გამოავლინეს, მესამე ცდაზე კი გამარჯვებულად 27 წლის ჰონკონგელი მოფარიკავე გამოცხადდა, რომელმაც თავის მხრივ ტიტული დაიცვა.
აღნიშნული გადაწყვეტილება ბილიკზე ფილიპო მაკიმ გააპროტესტა, ხოლო შემდეგ საქმეში მისი მწვრთნელი ჩაერთო და მსაჯები არაკომპეტენტურობაში დაადანაშაულა. საბოლოოდ, პროტესტმა შედეგი ვერ გამოიღო და იტალიელი მოფარიკავე ვერცხლს დასჯერდა.
ფინალური დაპირისპირების ვიდეო:
