"2018 წელს, რეალიდან რონალდუ წავიდა, რაც ძალიან დიდი დანაკლისი იყო. გუნდში წლების განმავლობაში მოდიოდნენ ახალგაზრდა ფეხბურთელები - ვალვერდე, ვინისიუსი, როდრიგო, ბელინგემი, ბოლოს მბაპე და სხვები. ძალიან კარგმა შემადგენლობამ მოიყარა თავი, სამწუხაროა, რომ სტადიონზე მხოლოდ 11 მოთამაშის გამოყვანა შემიძლია.
კრიშტიანუს მწვრთნელობა ძალიან მარტივი იყო, რადგან ის არის ფეხბურთელი, რომელიც თითოეულ შეხვედრაში გოლს იტანდა. ბეილი? - ერთ-ერთი საუკეთესო მოთამაშე, რომელთანაც ოდესმე მიმუშავია. რაც შეეხება აზარს, სამწუხაროდ, მან ვერ მოახერხა პოტენციალის სრულად გამოვლენა. ამის ბევრი მიზეზი ჰქონდა.
პირველ რიგში, ტრავმები და ასევე კონკურენცია. როდესაც არ ხარ ფორმაში, გიწევს კონკურენტებზე უფრო ინტენსიური ვარჯიში. ედენმა ეს ვერ მოახერხა, რაც მის საერთო მდგომარეობაზეც აისახა", - განაცხადა იტალიელმა სპეციალისტმა.
