ტალინში მიმდინარე ევროპის ჩემპიონატზე ფიგურულ ციგურაობაში, საქართველოს სახელით მოასპარეზე ანასტასია გუბანოვამ ვერცხლის მედალი მოიპოვა.
ანასტასიამ მოკლე პროგრამაში 68.99 ქულა დააგროვა და პირველი ადგილი დაიკავა, თავისუფალ პროგრამაში კი 129,62 ქულით მეორე პოზიციაზე გავიდა. გუბანოვას ორი პროგრამის შედეგად 198,61 ქულა დაუგროვდა და ევროპის ვიცე-ჩემპიონი ზედიზედ მეორედ გახდა.
2023 წელს საქართველოს სახელით მოასპარეზე ანასტასიამ ევროპის ჩემპიონობა იზეიმა, რაც საქართველოსთვის ისტორიული შედეგია.
ტალინში მიმდინარე ევროპის ჩემპიონატზე ანასტასია გუბანოვამ საქართველოს დელეგაციას მეორე მედალი მოუტანა. 30 იანვარს, ანასტასია მეტელკინასა და ლუკა ბერულავას სპორტულმა წყვილმა ევროპირველობაზე ბრინჯაოს მედალი მოიპოვა.
დიანა დევისისა და გლებ სმოლკინის წყვილმა რიტმული ცეკვების პროგრამაში 73,82 ქულა დააგროვა და ასპარეზობა მეათე ადგილით დაასრულა, პირველ თებერვალს კი თავისუფალი ცეკვების პროგრამაში იასპარეზებენ. ასევე, პირველ თებერვალს, ევროპის ჩემპიონატზე თავისუფალი პროგრამით წარდგება ნიკა ეგაძე, რომელმაც მოკლე პროგრამაში მეორე ადგილი დაიკავა.
ანასტასია გუბანოვამ ევროპის ჩემპიონატზე ვერცხლის მედალი მოიპოვა
214027
