თუ აქამდე რუი კვარაცხელიასთან ერთად მარცხენა ფლანგზე თამაშობდა და პირველი იყო, ვინც გუნდში ახლადმისულ კვარას ადაპტაციაში დაეხმარა, დღეს თამაში საერთოდ აღარ უწევს.
რუი უკვე 6 თვეა ძირითად გუნდთან ერთად ვარჯიშობს, თუმცა მისი არა თუ თამაში, არამედ განაცხადში შეყვანაც კი არ განიხილება და ფაქტობრივად, გადაწყვეტილია, რომ ზამთარში გუნდს დატოვებს.
იტალიაში წერენ, რომ მიუხედავად იმისა, რომ კონტეს რუი არ სჭირდება, ამ ასაკის ფეხბურთელის მიმართ მეტი პატივისცემა უნდა გამოიჩინონ. რუი ნაპლიში უკვე 6 წელია ირიცხება.
აღსანიშნავია ისიც, რომ 33 წლის ფეხბურთელი ხშირ შემთხვევაში, გუნდთან ერთად აქტიურ ვარჯიშებში არ ერთვება და ტაქტიკური ვარჯიშების დროს, ინდივიდუალურად ემზადება.
