იტალიური გამოცემა La Repubblica სკანდალურ ინფორმაციას ავრცელებს — საუბარია ახალი ფსონების სკანდალზე, სადაც არც მეტი, არც ნაკლები 12 ფეხბურთელია გარეული! როგორც ირკვევა, სანდრო ტონალისა და ნიკოლო ფაჯოლის წინააღდმდეგ დაწყებული გამოძიების დროს, პროკურატურამ ტელეფონისების დათვალიერებისას სხვა პოტენციურ დამნაშავეებზე გასვლა მოახერხა.
მილანის პროკურატურაში გამოძიება უკვე დაწყებულია — როგორც ირკვევა, ფეხბურთელებმა უზარმაზარი თანხები გადარიცხეს ონლაინ ბეთინგ კომპანიის მენეჯერებთან, რომლებმაც სავარაუდოდ დახმარება მიიღეს მილანში არსებული ერთ-ერთი საიუველირო მაღაზიის ადმინისტრატორებისგან, რომელიც ბანკის ფუნქციას ასრულებდა ანგარიშების გასაფორმებლად.
საიუველირო მაღაზიას Elysium Group ჰქვია, სადაც თავის დროზე ნიკოლო ფაჯოლიმ დაახლოებით €700.000 გადარიცხა. პროკურატურის მიერ ამოღებულმა ანგარიშსწორებამ გამოავლინა ალესანდრო ფლორენცის, სანდრო ტონალისა და მატეო კანჩელიერიეს სახელებიც. ვარაუდობენ, რომ ნიუკასლის მოთამაშე და ფაჯიოლი ხშირად მოქმედებდნენ როგორც შუამავლები ონლაინ პლატფორმებისთვის და ხშირად ახორციელებდნენ ფულის მიწოდებას საკუთარი ვალების შესამცირებლად. ამან გამოიწვია პროკურორის თვალში სხვა სახელების, კერძოდ, ნიკოლო ძანიოლოს გამოჩენაც.
როგორც ირკვევა, ანხელ დი მარია, ვესტონ მაკკენი, რაულ ბელანოვა, სამუელე რიჩი, კრისტიან ბუონაიუტო, მატია პერინი, ჯუნიორ ფირპო და ლეანდრო პარედესი ასევე გამოძიების ქვეშ იმყოფებიან.
ზემოთხსენებულ ფეხბურთელებს უახლოეს პერიოდში მილანის პროკურატურაში ელოდებიან. მომდევნო კვირებში ამ საქმესთან დაკავშირებით, უფრო მეტი ინფორმაცია გახდება ცნობილი.
Serie A
ახალი ფსონების სკანდალი იტალიაში, რამაც შესაძლოა კალჩოს ცხოვრება შეცვალოს
