სლოვაკეთში მიმდინარე ევროპის ჩემპიონატზე თავისუფალ ჭიდაობაში საქართველოს პირველი მედალი აკაკი ქემერტელიძემ (70 კგ.) მოუტანა. გადამწყვეტ შეხვედრაში ქართველმა უკრაინელი ოლექსი ბურუტა დაამარცხა და ბრინჯაოს მედალს დაეუფლა.
ქემერტელიძემ ასპარეზობა მეოთხედფინალიდან დაიწყო, თურქ ჰაიდარ იავუზს 9-0 სძლია, ნახევარფინალში სომეხ არმან ანდერეასიანთან 1-3 წააგო და ბრინჯაოსთვის ბრძოლაში გადაერთო.
დღეს ბრინჯაოსთვის უნდა ეჭიდავა გოგა ოთინაშვილს, თუმცა გადამწყვეტ შეხვედრაზე, ტრავმის გამო, ვერ გამოცხადდა.
ქართველ მოჭიდავეებს დღეს კიდევ 2 მედლის მოპოვების შანსი აქვთ, ბრინჯაოსთვის ვლადიმერ გამყრელიძე (79 კგ.) იბრძოლებს, ჩემპიონობისთვის კი გივი მაჭარაშვილი (97 კგ.) იჭიდავებს.
აკაკი ქემერტელიძემ ევროპის ჩემპიონატზე ბრინჯაოს მედალი მოიპოვა
