არიან ფეხბურთელები, რომლებიც სანაკრებო სიაში ვერ მოხვდნენ, არადა აქამდე ნაკრების სტაბილური წევრები იყვნენ. მიზეზი სხვადასხვაა.
ირაკლი აზაროვი
აზაროვი შახტარის ძირითად შემადგენლობაში სტაბილურად თამაშობს, ჩემპიონიც გახდა და კარგ ფორმაშიცაა, თუმცა მარტის სანაკრებო პაუზის მსგავსად, სიაში ამჯერადაც ვერ მოხვდა. ვილი სანიოლი ამის მიზეზად ასახელებს იმას, რომ მის პოზიციაზე ნაკრებს წიტაიშვილი და შენგელია ჰყავს, რომლებიც ნაკრებში თამაშს უფრო მეტად იმსახურებენ. როგორც ჩანს, ფრანგი სპეციალისტი 3-5-2 სქემაში მარცხენა ფლანგის მოთამაშედ მარგი ქმედების კოეფიციენტით შენგელიას მთავარ ფიგურად მოიაზრებს, რადგან წინაც და უკანაც თანაბარ სამუშაოს ასრულებს.
ვლადიმერ მამუჩაშვილი
მიუხედავად იმისა, მამუჩაშვილს ნაკრებში ბევრი მატჩი არ აქვს ჩატარებული, გამოცდილი ფეხბურთელი სანაკრებო სიაში სულ ხვდებოდა ხოლმე. ამჯერად, სანიოლმა ეროვნული ლიგიდან მხოლოდ 2 ფეხბურთელი - გიორგი წიტაიშვილი და გიორგი ლორია გამოიძახა, მამუჩაშვილი კი განაცხადს მიღმა დატოვა. ნაკრებში მას მარჯვენა მცველად მოიაზრებენ, სადაც ორი ფეხბურთელი გვყავს - ოთარ კაკაბაძე და გიორგი გოჩოლეიშვილი.
საბა საზონოვი
დაცვით ასპექტში საზონოვი საქართველოს ნაკრების მომავალ ლიდერად მოიაზრება, მაგრამ ამჟამად ტორინოში სათამაშო დრო საერთოდ არ აქვს და წელს მხოლოდ 12 მატჩი ჩაატარა. ამას ემატება ისიც, რომ მარტის თამაშებში საზონოვს თამაში საერთოდ არ მოუწია, კაშია-კვერკველია-დვალის ტრიომ სანიოლის მიერ მიცემულ დავალებას თავი იდეალურად გაართვა.
გიორგი აბურჯანია
საქართველოს ნაკრებში ვილი სანიოლის ერთ-ერთი საყვარელი მოთამაშე გიორგი აბურჯანია იყო, რომელიც ფორმის მიუხედავად, სულ ძირითად შემადგენლობაში იყო, თუმცა ბოლო პერიოდში აბურჯანიას კარიერა ისე ვერ მიდის, როგორც საჭიროა. მას იანვრის შემდეგ არ უთამაშია, ტრავმა ჰქონდა და არ არის იმ კონდიციებში, რომ ნაკრებს გამოადგეს.
საქართველოს ნაკრებში ვილი სანიოლის ერთ-ერთი საყვარელი მოთამაშე გიორგი აბურჯანია იყო, რომელიც ფორმის მიუხედავად, სულ ძირითად შემადგენლობაში იყო, თუმცა ბოლო პერიოდში აბურჯანიას კარიერა ისე ვერ მიდის, როგორც საჭიროა. მას იანვრის შემდეგ არ უთამაშია, ტრავმა ჰქონდა და არ არის იმ კონდიციებში, რომ ნაკრებს გამოადგეს.
გიორგი არაბიძე
უკვე დიდი ხანია, გულშემატკივარი არაბიძის ნაკრებში გამოძახებას ითხოვს, მაგრამ როგორც მოსალოდნელი იყო, არაბიძე ევრო 2024-ის სიაშიც ვერ მოხვდა. არაბიძე ეროვნულ ლიგაში საუკეთესოა, ტორპედოს მთავარი ლიდერია, მაგრამ სანიოლმა უპირატესობა იმ ფეხბურთელებს მიანიჭა, ვისთან ერთადაც ეს წარმატებული გზა გაიარა და ახალი სახე ნაკრებში საერთოდ არ გვყავს.
