"პედრი, არაუხო, პუჩი, მინგესა და მორიბა - ბარსელონას მომავალი სწორედ ისინი არიან. ძალიან მიხარია, რომ გუნდის შემადგენლობაში მნიშვნელოვანი როლი აკადემიის აღზრდილებს უკავიათ. დროთა განმავლობაში შანსს უფრო მეტ ახალგაზრდას მივცემთ", - აცხადებდა კატალონიელთა ყოფილი თავკაცი 3 წლის წინ.
როგორც ვხედავთ, 61 წლის მწვრთნელი პედრისა და არაუხოს მიმართებით არ შემცდარა, ისინი მართლაც დამკვიდრნენ "ბლაუგრანაში". მართალია, ესპანელ შუახაზელს ხშირად აწუხებს ტრავმები, ურუგვაელმა უკანახაზელმა კი ამ სეზონში რამდენიმე სერიოზული შეცდომა დაუშვა, მაგრამ ისინი "ლურჯ-ბროწეულისფრების" სრულფასოვანი წევრები არიან.
რაც შეეხებათ დანარჩენებს, პუჩმა ორი წლის წინ ლოს-ანჯელეს გალაქსს მიაშურა. მინგესა თავის დამკვიდრებას ვიგოს სელტაში ცდილობს. მორიბამ კი კამპ ნოუზე გატარებული პერიოდის შემდეგ ჯერ ლაიფციგში, შემდეგ იჯარით ვალენსიაში, ბოლოს კი ხეტაფეში გადავიდა. თავად კუმანი კი ახლა ნიდერლანდების ეროვნული გუნდის თავკაცია.
