პირველი სისულელე - კვარაცხელია აღარ არის ის ფეხბურთელი, რომლითაც აღფრთოვანებული ვიყავით სკუდეტოს სეზონში. "ეს პირველი სისულელეა, რომელსაც დღეს ბევრი იმეორებს ხვიჩას მისამართით და ავლენს სრულ არაკომპეტენტურობას. სამწუხაროდ, ეს არ არის ერთადერთი, რასაც ვისმენთ მის შესახებ. ქართველი ვინგერი ტორინოსთან მოგების მთავარი შემოქმედი იყო.
სწორედ ნაპოლის გარემარბი იყო მაკტომინეიზე შესრულებული ფანტასტიკური გადაცემის ავტორი. ეს იყო არა უბრალოდ პასი, არამედ ბრწყინვალე ფინიში მას შემდეგ, რაც საჯარიმო მოედანში "ხარების" ორ მოთამაშეს შორის გაძვრა და ისარგებლა იმ დერეფნით, რომელიც ანგისამ შეუქმნა".
მეორე სისულელე - კვარაცხელიას ზურგიდან რუის დახმარება სჭირდება, ის მხოლოდ მასთან იყო თავდაჯერებული. "მორიგი ძალიან დიდი სისულელე. მარიოს მიმართ დიდი პატივისცემის მიუხედავად, რომელსაც “პროფესორად” მოისხენიებენ, ოლივეირა ძალიან მაღალ დონეზე თამაშობს და არც არაფრით ჩამოუვარდება თავის თანაგუნდელს".
მესამე სისულელე - კვარაცხელიას თავისი მომავალი აშფოთებს. "მან იცის, საიდან მოდის და რა შეუძლია. ეჭვგარეშეა, რომ კონტრაქტის გახანგრძლივებასთან დაკავშირებული თემა აფიქრებს, მაგრამ როდესაც ხვიჩა მოედანზეა, მხოლოდ ერთი მიზანი ამოძრავებს: მიაღწიოს წარმატებას და იზრუნოს თავის მომავალზე. თუკი ცუდად ითამაშებს, ვიღას დააინტერესებს ქართველ ვინგერთან თანამშრომლობა? კონტრაქტზე კი მისი აგენტი ზრუნავს", - წერს AreaNapoli.
