Transfermarkt-მა წლის ბოლოსთვის ფეხბურთელების სატრანსფერო ღირებულება განაახლა. პირველ და მეორე ადგილებს იყოფენ ერლინგ ჰოლანდი და ვინისიუს ჟუნიორი, რომელთა ფასი €200 მილიონი არის. შემდეგ მოდიან ჯუდ ბელინგემი და ლამინ იამალი, €180 მილიონი. 5-ეულს €160 მილიონით კილიან მბაპე ხურავს.
მსოფლიოს 20 ყველაზე ძვირადღირებულ ფეხბურთელს შორის არის ხვიჩა კვარაცხელია, რომლის სატრანსფერო ღირებულება 2024 წლის ბოლოსთვის 85 მილიონ ევროს შეადგენს. ქართველი ვინგერი ამ მაჩვენებლით მე-19 პოზიციაზე არის.
1. ერლინგ ჰოლანდი - €200 მილიონი
2. ვინისიუს ჟუნიორი - €200 მილიონი
3. ჯუდ ბელინგემი - €180 მილიონი
4. ლამინ იამალი - €180 მილიონი
5. კილიან მბაპე - €160 მილიონი
6. ბუკაიო საკა - €150 მილიონი
7. ფილ ფოდენი - €140 მილიონი
8. ჯამალ მუსიალა - €140 მილიონი
9. ფლორიან ვირცი - €140 მილიონი
10. როდრი ერნანდესი - €130 მილიონი
11. ფედერიკო ვალვერდე - €130 მილიონი
12. კოულ პალმერი - €130 მილიონი
13. მარტინ ოდეგორი - €110 მილიონი
14. დეკლან რაისი - €110 მილიონი
15. ლაუტარო მარტინესი - €100 მილიონი
16. პედრი გონსალესი - €100 მილიონი
17. როდრიგო გოესი - €100 მილიონი
18. ჰარი კეინი - €90 მილიონი
19. ხვიჩა კვარაცხელია - €85 მილიონი
20. ლუის დიასი - €85 მილიონი
ასევე გამოსარჩევია ის ფაქტი, რომ გიორგი მამარდაშვილი 2024 წელს მსოფლიოს ყველაზე ძვირადღირებული მეკარის სტატუსით ასრულებს. მართალია, ქართველი გოლკიპერის ფასი €5 მილიონით დაეცა, მაგრამ მასზე ძვირადღირებული კარის დარაჯი ამ დროისთვის არავინ არის. პირველ პოზიციას ის იყოფს დავიდ რაიასთან, გრეგორ კობელსა და დიოგუ კოშტასთან.
1. გიორგი მამარდაშვილი - €40 მილიონი
2. დავიდ რაია - €40 მილიონი
3. გრეგორ კობელი - €40 მილიონი
4. დიოგუ კოშტა - €40 მილიონი