აღსანიშნავია ის ფაქტი, რომ 2021 წელს, როდესაც "სამეფო კლუბი" ზინედინ ზიდანის შემცვლელის ძიებაში იყო, "როსონერის" ყოფილი მწვრთნელის დაბრუნება არც განიხილებოდა, მის ნაცვლად შერჩეული იყო 3 კანდიდატი: მაქს ალეგრი, ანტონიო კონტე და მაურისიო პოჩეტინო. თითოეულ მათგანთან მოლაპარაკებები ჩაიშალა.
ალეგრის "ბლანკოსისთვის" უარის თქმა მოუწია ოჯახური მიზეზების გამო, დანარჩენ ორთან არსებული მოლაპარაკებების დეტალები აქამდე არ გასაჯაროვებულა. 64 წლის სპეციალისტის დაბრუნება ფლორენტინო პერესისთვის მე-4 გეგმა იყო, რომელმაც როგორც ვხედავთ, მის კლუბს წარმატება კვლავ მოუტანა.
სანტიაგო ბერნაბეუდან ზარის შემდეგ, ანჩელოტიმ ურთიერთშეთანხმების საფუძველზე, კონტრაქტი გაწყვიტა ევერტონთან და მიაშურა გუნდს, რომელიც მისი სიტყვებით, ყოველთვის მის გულში რჩებოდა. ცოტა ხნის წინ, იტალიელმა სპეციალისტმა განაცხადა ისიც, რომ რეალი მის კარიერაში ბოლო კლუბი იქნება.
