საფრანგეთის ჩემპიონატის ბოლო ტურში ერთმანეთს ოსერი და პსჟ დაუპირისპირდნენ. ლუის ენრიკემ ამ მატჩისთვის ოპტიმალური შემადგენლობა გამოიყვანა.
ოსერმა პირველ ტაიმში ანგარიში გახსნა, თუმცა მეორე ნახევარში პსჟ-მ თავისი საფირმო თამაში აჩვენა და 3 უპასუხო ბურთი გაიტანა, საიდანაც ორი ხვიჩა კვარაცხელიას ანგარიშზეა.
თავის პარიზულ კარიერაში კვარამ პირველი დუბლი გაიფორმა და უმაღლესი, 10.0 შეფასება მიიღო.
სამწუხაროდ, ზურიკო დავითაშვილის სტ.ეტიენი ლიგა 1-იდან გავარდა, მიქაუტაძის ლიონი კი კონფერენს ლიგაზე ითამაშებს.
