Transfermarkt-ის მონაცემების თანახმად, მსოფლიოს ყველაზე ძვირადღირებული მარცხენა გარემარბი ვინისიუს ჟუნიორი არის. ის 180 მილიონ ევროდ არის შეფასებული. მე-2 პოზიციას, 90 მილიონით, რაფა ლეაუ იკავებს. სიაში არ ფიგურირებს კილიან მბაპე, რომელსაც აღნიშნული პორტალი ცენტრალურ ფორვარდად განიხილავს.
რაც შეეხება ხვიჩა კვარაცხელიას, ის, 80 მილიონი ევროთი, ყველაზე ძვირადღირებული მარცხენა გარემარბების სამეულს ხურავს. მას მოჰყვებიან ისეთი გამორჩეული ვინგერები, როგორებიც არიან ჯეკ გრილიში, მარკუს რაშფორდი, ლუის დიასი, ნიკო უილიამსი და სხვები.
საუკეთესო 10-ეული კი ასე გამოიყურება:
1. ვინისიუს ჟუნიორი - 180 მილიონი ევრო
2. რაფაელ ლეაუ - 90 მილიონი ევრო
3. ხვიჩა კვარაცხელია - 80 მილიონი ევრო
4. ლუის დიასი - 75 მილიონი ევრო
5. ნიკო უილიამსი - 70 მილიონი ევრო
6. გაბრიელ მარტინელი - 70 მილიონი ევრო
7. ჟერემი დოკუ - 65 მილიონი ევრო
8. ენტონი გორდონი - 60 მილიონი ევრო
9. მარკუს რაშფორდი - 60 მილიონი ევრო
10. ჯეკ გრილიში - 60 მილიონი ევრო