CIES-მა გამოაქვეყნა იმ ფეხბურთელების სია, რომლებიც ევროპის ტოპ ხუთ ჩემპიონატში მიმდინარე სეზონში საშუალოდ ყველაზე მეტ სახიფათო მომენტს ქმნიან. აღსანიშნავია ის ფაქტი, რომ 10-ეულში არის ნაპოლის ლიდერი, ხვიჩა კვარაცხელია. ის განთავსებულია მე-7 პოზიციაზე, რაც სერია ა-ს წარმომადგენლებს შორის საუკეთესო შედეგია.
ქართველი გარემარბი უსწრებს ისეთ ფეხბურთელებს, როგორებიც არიან მოჰამედ სალაჰი, სონ ჰინ მინი, რაფაელ ლეაუ, ბუკაიო საკა, ფლორიან ვირცი და სხვები. "პარტენოპეის" ლიდერს უსწრებს 6 მოთამაშე: ჟოაუ ნევეში, კოულ პალმერი, რომანო შმიდი, ლამინ იამალი, ალექს ბაენა და იაგო ასპასი. სრული 10-ეული ასეთია:
1. ჟოაუ ნევეში (პარის სენ-ჟერმენი)
2. კოულ პალმერი (ჩელსი)
3. რომანო შმიდი (ვერდერი)
4. ლამინ იამალი (ბარსელონა)
5. ალექს ბაენა (ვილიარეალი)
6. იაგო ასპასი (სელტა)
7. ხვიჩა კვარაცხელია (ნაპოლი)
8. რაფაელ ლეაუ (მილანი)
9. მოჰამედ სალაჰი (ლივერპული)
10. მიტჩელ ვაისერი (ვერდერი)