მოახლოებულ კოპა ამერიკაზე ვარდისფერი ბარათის გამოყენება იგეგმება. მთავარი მსაჯები აღნიშნულ ბარათს უჩვენებენ იმ ფეხბურთელებს, რომლებსაც სასწრაფო წესით დასჭირდებათ მოედნის დატოვება თავის ტრავმის გამო.
მსგავსი ცვლილება დაშვებული იქნება მატჩში ერთხელ. შეგახსენებთ, მარტში იყო საუბარი იმის შესახებ, რომ ფეხბურთში დაინერგებოდა ლურჯი ბარათი, რომელიც იქნებოდა შუალედი ყვითელსა და წითელ ბარათს შორის. ლურჯი ბარათის შემოღება ამ დროისთვის გადადებულია.
შეგახსენებთ, რომ 2024 წლის კოპა ამერიკა დაიწყება 20 ივნისს და 14 ივლისამდე გაგრძელდება. ტურნირის მასპინძელი ქვეყანა ამერიკის შეერთებული შტატები იქნება.
