სერია ა გვიბრუნდება პირველი დიდი მატჩებით - მესამე ტურში მოქმედი ჩემპიონი მილანის ინტერი საკუთარ კედლებში ნაპოლის მიიღებს. განვიხილოთ, თუ რას უნდა ველოდოთ აღნიშნული შეხვედრისგან.
ინტერი VS ნაპოლი | 20:00
სერია ა-ს ახალი სეზონი ტოპ გუნდებმა დაიწყეს დამაჯერებლად - ორიდან ორი გამარჯვება აქვთ ინტერს, იუვენტუსს, მილანს, რომას, ასევე ლაციოსა და ატალანტასაც. ფეხი დაუცდათ ნეაპოლელებს, რომლებმაც გასულ ტურში შინ კომოსთან წააგეს. საჭიროა რეაბილიტაცია, მაგრამ ეს მარტივი საქმე არ იქნება.
"პარტენოპეის" მეტოქე ხომ სერია ა-ს მოქმედი ჩემპიონია, რომელიც მთავარ ფავორიტად ახალ სეზონშიც ითვლება. დიახ, მილანური გუნდი დატოვა დენზელ დუმფრისმა, მაგრამ მის შემცვლელად მოვიდა ჯედ სპენსი, რომელსაც მოყვა კიდევ 2 თანამემამულე: ჯონ სტოუნსი და კერტის ჯონსი. "ნერაძურიმ" ასევე ივან პროვედელი და ალექსანდრ სტანკოვიჩიც დაიმატა.
რაც შეეხებათ "ლურჯებს", მნიშვნელოვანი გადანაცვლება მოხდა სამწვრთნელო თანამდებობაზე, სადაც ანტონიო კონტეს ნაცვლად მასიმილიანო ალეგრი დაინიშნა. ახალი მოთამაშეების მხრივ დიეგო მარადონას მკვიდრებმა იმუშავეს მოკრძალებულად და ძირითადად განათხოვრების წესით მოსული ახალწვეულები გამოისყიდეს.
საუბარია ვანია მილინკოვიჩ-სავიჩის, რასმუს ჰოილუნისა და ალისონ სანტოსის შესახებ. აურელიო დე ლაურენტისის კლუბმა იჯარით ლონდონის ჩელსიდან ბენუა ბადიაშილიც დაიმატა. აუცილებლად სახსენებელია ისიც, რომ ნეაპოლი დატოვა რომელუ ლუკაკუმ, რომლის იტალიური თავგადასავალი დასრულდა.
ჯუზეპე მეაცას ბინადრებში არ შეინიშნება საკადრო პრობლემები, რასაც ვერ ვიტყვით "პარტენოპეიზე", რომელსაც სკოტ მაკტომინეი არ ეყოლება. შოტლანდიელ ფლეიმეიქერს დაუდგინდა გულის კეთილთვისებიანი არითმია, რაც ქირურგიულ ჩარევას საჭიროებს. ჯერჯერობით უცნობია, თუ როდის დაბრუნდება "აძურის" გამთამაშებელი.
ეს იქნება ამ გუნდების რიგით 181-ე მატჩი და რაც შეეხება განვლილ დაპირისპირებებს, 81-ჯერ იმარჯვა ინტერმა, 53-ჯერ - ნაპოლიმ, 46 თამაში ფრედ დასრულდა. უკვე 5 შეხვედრაა, რაც მილანელები ვერ ახერხებენ "პარტენოპეისთან" მოგებას, 4 წაგება და ფრე. უკანასკნელი გამარჯვება თარიღდება 2024-ის იანვრით, სუპერთასზე, უშუალოდ ჩემპიონატში კი 2023-ის დეკემბრით.
შაბათის მატჩის დღე
| კილი - ნიურნბერგი | 15:00 | ბუნდესლიგა 2 |
| მეცი - როდეზი | 16:00 | ლიგა 2 |
| ვოიტსბერგი - შტურმი | 17:30 | ავსტრიის თასი |
| მანჩესტერ სიტი - ქოვენთრი | 18:00 | პრემიერ ლიგა |
| ნოტინგემი - ტოტენჰემი | 18:00 | პრემიერ ლიგა |
| ბილბაო - ატლეტიკო | 18:15 | ლა ლიგა |
| ინტერი - ნაპოლი | 20:00 | სერია ა |
| შალკე - ბაიერნი | 20:30 | ბუნდესლიგა |
| რაიო ვალეკანო - რასინგი | 20:30 | ლა ლიგა |
| სენტ ეტიენი - მონპელიე | 22:00 | ლიგა 2 |
| რომა - ატალანტა | 22:45 | სერია ა |
| ვილიარეალი - დეპორტივო | 23:00 | ლა ლიგა |
| ვილემ II - ექსელსიორი | 23:00 | ერედივიზია |
| სოლტ ლეიკი - ლოს ანჯელესი | 05:30 | MLS |
