ეროვნული ლიგის 24-ე ტურის ცენტრალური შეხვედრა დავით პეტრიაშვილის სახელობის სტადიონზე შედგა, სადაც ერთმანეთს რუსთავი და დინამო ბათუმი დაუპირისპირდნენ.
მოგეხსენებათ, წლევანდელ სეზონში ორივე გუნდი საოცრად გამოიყურება და ორივე გუნდის მიზანი ჩემპიონობაა.
შედარებით მოსაწყნი სტარტის შემდეგ, პირველი ტაიმის ბოლოს გუნდები გააქტიურდნენ და მომენტები შექმნეს, განსაკუთრებით სახიფათო მომენტები რუსთავს ჰქონდა.
მიუხედავად ამისა, მეორე ტაიმსი სტარტზე ანგარიში მაინც ბათუმმა გახსნა. 47-ე წუთზე მეკარის შეცდომით თორნიკე კირკიტაძემ ისარგებლა და ანგარიში გახსნა.
გაშვებული გოლის შემდეგ, რუსთავი კიდევ უფრო გააქტიურდა, ბევრი მომენტიც ჰქონდა, მაგრამ საქმე გოლამდე არ მივიდა და დინამო ბათუმმა 0:1 გაიმარჯვა.
აღსანიშნავია, რომ თასის ჩათვლით, აჭარულ კლუბს უკვე ზედიზედ 8 მატჩია არ წაუგია და ლიდერთან ჩამორჩენა 2 ქულამდე შეამცირა.
