დადასტურებულად — პარი სენ-ჟერმენი ხვიჩა კვარაცხელიასთან კონტრაქტის გახანგრძლივებაზე მუშაობს! პარიზულმა კლუბმა ქართველ ფეხბურთელს ახალი ხელშეკრულების შეთავაზება უკვე წარუდგინა და მხარეებს შორის მოლაპარაკებები ოფიციალურად დაიწყო.
ქართველი ფეხბურთელით პარიზულ კლუბში ყველა კმაყოფილია. როგორც მისი მოედანზე ნაჩვენები შედეგებით, ისე პროფესიონალიზმითა და მენტალიტეტით. კლუბის ხელმძღვანელობასა და სამწვრთნელო შტაბს სურს, რომ კვარაცხელია გუნდის გრძელვადიანი პროექტის ერთ-ერთი მთავარი ფიგურა იყოს.
როგორც ირკვევა, პსჟ ქართველ ფეხბურთელს ახალ 5-წლიან კონტრაქტსა და გაზრდილ ხელფასს სთავაზობს. შეგახსენებთ, ხვიჩა კვარაცხელიას პარიზულ კლუბთან არსებული კონტრაქტი 2029 წლამდე აკავშირებს.
ხვიჩა კვარაცხელიას ახალ კონტრაქტთან დაკავშირებით უფრო მეტ ინფორმაციას უახლოეს კვირებში შევიტყობთ.
